RonnyB YNWA

Det første tiåret i det nye årtusenet er omme. Mange har kalt dette for det verste desenniumet i historia  - med tanke på utviklinga i verda på generell basis. Det kan kanskje stemme, ikkje veit eg. For Liverpool FC er det i alle fall ikkje langt unna sanninga. Med unntak av nokre titlar i Europa og cupar på heimebane, har det vore lange og magre år kva gjeld nytt sølvtøy til Anfield. Spesielt smertar det ikkje å ha vunne ligaen på snart tjue år. Laget vårt samlar ikkje på andre- og tredjeplassar. Ekstra forsmedeleg er det å sjå at Salford Utd no er à jour med oss kva gjeld talet på ligameisterskap. Det gjer rett og slett låkt.

Som Liverpool-fans er vi dog ukuelege optimistar. Rett nok er årets Premier League mest sannsynleg over kva gjeld kampen om tittelen. Men vi ser allereie no fram mot seriestarten i august, som kun er knappe 8 månader unna i skrivande stund. DÅ blir vi gode då! Uslåelege, faktisk! Med Pepe, Carra, StevieG og El Niño i spissen vil Pool bli det første laget til 20 serietitlar i fotballens heimland. Mest truleg vil dette skje i mai 2012.

Planane for å ferie denne historiske hendinga er allereie under utarbeiding. Ein festkomité (førebels berre med underteikna som medlem...) har kontroll på tale (pompøst, må vite!), mat (fish & chips à la Anfield) og drikke (brunt). Lokale og band gjenstår, men det ordnar seg nok. Med eit par års horisont skal det i alle fall ikkje stå på tid til planlegging!!

Godt, raudt nytt år!